Darganfod cyfeillgarwch drwy gelf
“Rwyf mor ddiolchgar bod y grŵp hwn yn bodoli ac rwy’n gwybod bod aelodau anabl eraill hefyd wrth eu bodd â’r cyfarfodydd, o’r rhai sydd ag awtistiaeth i’r rhai sydd ag M.E.”
Mae Celf Able yn grŵp sy’n dod ag unigolion sydd ag anableddau ac artistiaid sydd ag anableddau ynghyd i rannu a dysgu oddi wrth ei gilydd. Cafodd y grŵp grant o £942 i gynnal dwy sesiwn celf y mis ar gyfer grŵp o bobl ag amrywiaeth o anableddau.
Mae’r prosiect wedi helpu gyda’r gwaith o fynd i’r afael â’r ynysu a’r allgáu y mae rhai pobl sydd ag anableddau yn eu hwynebu ac yn galluogi unigolion i gymryd rhan mewn celf therapiwtig. Roedd gan y cyfranogwyr gyfle i roi cynnig ar gyfryngau celf gwahanol er mwyn sicrhau bod pawb yn dod o hyd i rywbeth roeddent yn ei fwynhau.
Roedd y grŵp yn darparu lle i bobl sydd ag anableddau greu celf, cymdeithasu a rhannu cymorth a chyngor gyda chymheiriaid.
Nododd y bobl a oedd yn mynychu’r grwpiau hyn fod canolbwyntio ar gelf wedi’u helpu i ymlacio a’u bod yn gallu mynegi eu hunain mewn amgylchedd cefnogol. Roedd hefyd wedi’u helpu i ddatblygu cydberthnasau ag aelodau eraill o’r grŵp.
Stories
Buddsoddi mewn pobl, sgiliau a threftadaeth: cefnogi’r genhedlaeth nesaf o grefftwyr Cymreig
Cafodd tri unigolyn o Gymru bwrsariaethau i ddatblygu sgiliau arbenigol mewn gwaith gof, melino hetiau, a gwaith coed, sy’n helpu i ddiogelu traddodiadau crefft, gan hefyd agor drysau newydd i bobl sy’n wynebu rhwystrau sylweddol i hyfforddiant a chyflogaeth.
