Tanio angerdd gydol oes dros bêl-fasged menywod
Cronfa Gwaddol Gymunedol Casnewydd
“Mae Newport Aces fel cartref arall i mi. Rydw i wedi creu cymaint o atgofion a chyfeillgarwch gwych drwy gydol y flwyddyn.
“Mae’r cyllid wedi cael effeithiau enfawr ar unigolion a’r clwb cyfan. Fel rhywun sydd â phrofiad cyfyngedig o ysgrifennu adroddiadau, mae’r broses hon yn hawdd iawn i’w defnyddio ac yn syml i’w chwblhau.”
Gyda chefnogaeth Cronfa Gwaddol Gymunedol Casnewydd, mae Clwb Pêl-fasged Newport Aces wedi dechrau adeiladu tîm pêl-fasged cystadleuol cyntaf Casnewydd i fenywod, gan ddarparu sesiynau rheolaidd i ferched a menywod a datblygu eu sgiliau, eu ffitrwydd a’u hyder.
Yn hanesyddol, ychydig o gyfleoedd sydd wedi bod gan ferched a menywod yng Nghasnewydd i gymryd rhan mewn pêl-fasged gystadleuol. Aeth Newport Aces ati i newid hynny, gan rymuso chwaraewyr lleol trwy ymgysylltu, gwaith tîm a chymuned. Ariannodd y grant o £2,000 sesiynau rheolaidd i dros 25 o ferched a 15 o fenywod, gan gefnogi eu lles corfforol a meddyliol, a meithrin ymdeimlad cryf o fod yn chwaraewr tîm. Ers hynny, mae dwy chwaraewr 13 oed wedi treialu ar gyfer tîm cenedlaethol Cymru; mae menywod sy’n cydbwyso gwaith a theulu bellach yn chwarae’n gystadleuol, gan dyfu mewn gwydnwch a sgiliau.
Mae’r prosiect wedi sefydlu llwybr i bêl-fasged i fenywod a merched lleol, lle nad oedd un yn bodoli o’r blaen. Mae hefyd wedi hyfforddi gwirfoddolwyr mewn hyfforddi a dyfarnu, gan ddarparu profiad gyrfa a chyfleoedd â thâl.
Stories
Buddsoddi mewn pobl, sgiliau a threftadaeth: cefnogi’r genhedlaeth nesaf o grefftwyr Cymreig
Cafodd tri unigolyn o Gymru bwrsariaethau i ddatblygu sgiliau arbenigol mewn gwaith gof, melino hetiau, a gwaith coed, sy’n helpu i ddiogelu traddodiadau crefft, gan hefyd agor drysau newydd i bobl sy’n wynebu rhwystrau sylweddol i hyfforddiant a chyflogaeth.
