Eich Llais, Eich Rhyl: Yr Hyn a Glywsom a’r Camau Nesaf

Ym mis Hydref 2025, buom yn gweithio mewn partneriaeth â The Neumark Foundation i gynnal Eich Llais, Eich Rhyl – digwyddiad cymunedol a oedd yn canolbwyntio ar newid hirdymor a pharhaol yn y Rhyl.

O’r cychwyn cyntaf, roeddem yn glir nad oedd hwn am fod yn ymgynghoriad arferol. Yn hytrach, roedd yn gyfle i wrando mewn ffordd wahanol, gan greu lle i bobl weithio ochr yn ochr, rhannu profiadau a dechrau llunio sut y gallai newid ystyrlon edrych i’r dref.

Rydym yn hapus i rannu uchafbwyntiau’r digwyddiad yn yr adroddiad yma. Mae’n crynhoi’r hyn a glywyd ar y diwrnod ac yn darparu sylfaen ar gyfer cam nesaf y gwaith hwn, gan helpu i droi uchelgais a rennir yn weithred ymarferol.

Tref arfordirol fywiog yw’r Rhyl gyda phoblogaeth o tua 27,000 o bobl, ac mae’n gartref i gymuned amrywiol sy’n cynnwys cyfran uwch o deuluoedd ifanc na’r cyfartaledd yng Nghymru, gyda dros un ym mhob pump o’r trigolion dan 16 oed. Er bod y dref yn wynebu heriau sylweddol – gan gynnwys lefelau ucheol o blant yn byw mewn teuluoedd incwm isel cymharol – dim ond rhan o stori’r Rhyl y mae’r ystadegau hyn yn eu hadrodd. Mae’r Rhyl hefyd yn gymuned sydd â gwreiddiau dwf a chysylltiadau cryf, lle mae gan drigolion y Rhyl fewnwelediad amhrisiadwy i ddeall sut gall cefnogaeth a chyfleoedd ddiwallu eu hanghenion yn well.

Drwy gydol y dydd, clywsom yn uniongyrchol gan drigolion am yr hyn sy’n bwysic iddynt, gan gynnwys cyfraniadau pwerus gan bobl ifanc. Dysgom hefyd o enghreifftiau o newid sy’n seiliedig ar le mewn rhannau eraill o’r DU, a chlywsom ymrwymiadau o gefnogaeth gan gyllidwyr, awdurdodau lleol a chynrychiolwyr Llywodraeth Cymru a Llywodraeth y DU.

Gyda’i gilydd, rhoddodd y sgyrsiau hyn ymdeimlad clir o’r hyn sy’n bosibl pan fydd cymunedau a phartneriaid yn dod at ei gilydd gydag un nod cyffredin, a phan gaiff y rhwystrau rydym i gyd yn eu hwynebu yn cael eu chwalu.

Rydym yn falch o fod wedi gweithio ochr yn ochr â The Neumark Foundation a phartneriaid eraill i greu’r cyfle hwn i wrando a chysylltu. Ein rôl ni bellach fel Sefydliad Cymunedol Cymru, yw parhau i gefnogi’r momentwm hwnnw – boed hynny drwy ddod â chyllidwyr a rhoddwyr at ei gilydd, drwy waith ein rhaglenni grantiau, neu drwy rannu ein harbenigedd ym maes dyngarwch a buddsoddiad hirdymor – wrth i’r Rhyl lunio’r hyn sy’n dod nesaf.