Pennod gyffrous newydd i Sefydliad Cymunedol Cymru
Heddiw, rydym yn falch o rannu ein brand newydd!
Dros y flwyddyn ddiwethaf, rydym wedi bod yn myfyrio ar bwy yw Sefydliad Cymunedol Cymru heddiw, y rôl rydym yn ei chwarae yng Nghymru a sut rydym yn adrodd ein stori.
Mae llawer wedi newid ers i ni ddechrau yn 1999. Rydym wedi tyfu ein gwaith gyda rhoddwyr, deiliaid cronfeydd, busnesau a chymunedau ledled Cymru. Rydym wedi ehangu’r cyllid rydym yn ei ddosbarthu, dyfnhau ein perthnasoedd a chryfhau ein huchelgais ar gyfer y dyfodol.
Yr hyn sydd heb newid yw ein nod. Rydym yn dal yma i helpu pobl i fuddsoddi yn nyfodol y cymunedau sy’n bwysig iddynt. Rydym yn dal wedi ymrwymo i dyfu haelioni yng Nghymru. Ac rydym dal yn angerddol dros sicrhau bod rhoi yn creu effaith barhaol mewn cymunedau ledled y wlad.
Mae ein brand newydd yn adlewyrchu’r sefydliad rydym hediw a’r dyfodol rydym yn helpu i’w adeiladu. Mae hefyd yn ymwneud â llawer mwy na logo neu balet lliw newydd. Mae’n ymwneud â chael stori gliriach am bwy ydym ni, beth rydym yn ei wneud a pham mae hynny’n bwysig.
Wrth wraidd y brand newydd mae syniad syml: creu daioni drwy haelioni.
Boed hynny’n helpu rhoddwr i sefydlu cronfa elusennol, cefnogi busnes i fuddsoddi mewn cymunedau lleol, neu gysylltu cyllid â sefydliadau ar lawr gwlad, rydym yn credu bod gan haelioni’r grym i greu newid ystyrlon a pharhaol ledled Cymru.
Fe sylwch ar hunaniaeth weledol newydd sydd wedi’i hysbrydoli gan y bobl, y lleoedd a’r cymunedau sy’n gwneud Cymru’n unigryw. Dros y misoedd nesaf, byddwch yn dechrau gweld y brand newydd yn ymddangos ar draws ein gwefan, cyhoeddiadau, digwyddiadau a sianeli digidol.
Fel elusen fach, ni fydd hyn yn digwydd dros nos. Byddwn yn cyflwyno’r brand yn raddol, gan wneud diweddariadau dros amser a sicrhau ein bod yn parhau i wneud y defnydd gorau o’n hadnoddau.
Rydym hefyd yn edrych ymlaen at rannu ein ffilm frand newydd yn ystod yr wythnosau nesaf, gan ddod â’n stori’n fyw drwy leisiau’r bobl, y cymunedau a’r partneriaid sy’n gwneud ein gwaith yn bosibl.
Er bod ein golwg a’n hiaith wedi esblygu, mae’r ffordd rydym yn cefnogi rhoddwyr, deiliaid cronfeydd, elusennau a chymunedau yn aros yr un fath. Mae rhaglenni cyllido, cronfeydd elusennol a rhoddion yn parhau fel arfer, er y byddwch yn dechrau gweld ein brand newydd yn cael ei gyflwyno ar draws ein cyfathrebiadau a’n deunyddiau.
Mae ein brand newydd yn adlewyrchu’r sefydliad rydym wedi datblygu i fod a’n huchelgais ar gyfer y dyfodol. Rydym yn edrych ymlaen at ddechrau’r bennod newydd hon!
Os hoffech ddysgu mwy am y meddwl y tu ôl i’n brand newydd a beth mae’n ei olygu i Sefydliad Cymunedol Cymru, gallwch ddarllen ein Cwestiynau Cyffredin am y brand yma.
