Spotlight yn dod â menywod ynghyd i drafod cyllid personol

Yn ddiweddar, cynhalion ni ddigwyddiad rhwydweithio Spotlight arall, y tro hwn yn Hwb Accelerator NatWest yng Nghaerdydd.

Spotlight yw ein digwyddiad rwydweithio i fenywod, sy’n dod â phobl o ystod eang o sectorau a phroffesiynau ynghyd i gysylltu, rhannu profiadau a thrafod y pynciau sy’n bwysig iddyn nhw.

Canolbwyntiodd ein sesiwn ddiweddaraf ar gyllid personol i fenywod, gyda thrafodaethau’n ymdrin â phensiynau, buddsoddi a’r bwlch cyflog rhwng y rhywiau. Roedd yn gyfle i dynnu sylw at rai o’r heriau ariannol unigryw y gall menywod eu hwynebu yn ystod gwahanol gyfnodau o’u bywydau, gan hefyd gynnig syniadau ac mewnwelediadau ymarferol i helpu pawb wneud penderfyniadau gwybodus am eu dyfodol ariannol.

Daeth menywod ynghyd o nifer o sectorau gan gynnwys y gyfraith, cyllid, addysg, elusennau a busnes, gan greu gofod ar gyfer sgyrsiau ystyrlon, cysylltiadau newydd a dysgu oddi wrth ei gilydd.

Rydyn ni’n ddiolchgar i NatWest am gynnal y digwyddiad yn eu Hwb Accelerator ac i Charlene Lock am arwain sesiwn mor ddiddorol.

Un o’r pethau sy’n gwneud Spotlight yn arbennig yw’r cyfle i ddysgu oddi wrth ein gilydd. P’un a oedd pobl yn ymuno am y tro cyntaf neu’n dychwelyd i ailgysylltu â’r rhwydwaith, roedd y digwyddiad yn cynnig amgylchedd croesawgar i rannu syniadau, meithrin perthnasoedd a chael safbwyntiau newydd.

Diolch i bawb a fynychodd ac a gyfrannodd at y drafodaeth. Edrychwn ymlaen at groesawu wynebau cyfarwydd a rhai newydd i ddigwyddiadau Spotlight yn y dyfodol.

Oes gennych ddiddordeb mewn ymuno â digwyddiad Spotlight? Dilynwch Sefydliad Cymunedol Cymru ar gyfryngau cymdeithasol neu cofrestrwch i dderbyn ein cylchlythyr i gael gwybod am ddigwyddiadau a chyfleoedd sydd ar y gweill.