Helpu trigolion agored i niwed i wella

“Roedden ni mor ddiolchgar eich bod chi wedi gallu helpu gyda’r cleient yma, gan ein bod ni’n bryderus iawn am ei sefyllfa byw…ac effaith hyn yn gorfforol ac yn feddyliol…Roedd hi’n hyfryd ymweld â hi ar ôl i’r gwaith gael ei gwblhau a gweld y gwelliant yn ei hymddygiad a’i hwyliau. Diolch.”

Pan adawodd llifogydd ddynes agored i niwed ym Mhenarlâg yn byw mewn cartref oer, llaith gyda nenfwd wedi dymchwel, gwnaeth cyllid brys o Gronfa Cymorth mewn Angen Penarlâg a’r Cylch atgyweiriadau brys yn bosibl. Nid yn unig y gwnaeth y gefnogaeth adfer ei chartref, ond fe wellodd ei hiechyd corfforol a’i lles meddyliol yn sylweddol hefyd.

Heb unrhyw yswiriant a chyllid cyfyngedig, gadawyd y ddynes yn byw mewn un ystafell yn ei chartref, heb allu fforddio’r gwres oedd ei angen i gadw’n gynnes. Roedd y lleithder a’r oerfel yn effeithio ar ei hiechyd, ac roedd y sefyllfa’n ei gadael yn teimlo’n ofidus ac yn ddiymadferth.

Gwnaeth Gofal a Thrwsio Gogledd Cymru gais i Gronfa Penarlâg ar ran eu cleient. Cadarnhaodd ymweliad â’r safle ddifrifoldeb y sefyllfa, a darparodd y Gronfa gymorth ariannol yn gyflym ar gyfer yr atgyweiriadau hanfodol. Gwnaeth hyn hi’n bosibl i’r cartref sychu’n iawn ac yn ddiogel, cyn i unrhyw ddifrod pellach ddigwydd.

Gwnaeth yr atgyweiriadau wahaniaeth mawr. Roedd y cleient o’r diwedd yn gallu defnyddio ei chegin eto a byw mewn amgylchedd iachach; gwellodd ei hiechyd meddwl yn sylweddol hefyd, gan brofi i ba raddau y gall gweithredoedd cymorth newid bywyd.