Gan bobl ifanc, i bobl ifanc

Diolch i gefnogaeth gan Gronfa Gymunedol Uchel Siryf Gwent, cyflwynodd Cymru Creations brosiect ffilmio pwerus a roddodd gyfle i bobl ifanc archwilio achosion a chanlyniadau ymddygiad gwrthgymdeithasol. Drwy gynhyrchu ffilmiau ymarferol, datblygodd bobl ifanc empathi, hyder, a sgiliau bywyd.

Yn Blaenau Gwent, mae Cymru Creations yn rhedeg dwy raglen allweddol: Clwb Cymdeithasol llwyddiannus i bobl dros 60 oed ac Academi Ffilmiau Blaenau Gwent, sy’n dysgu pobl ifanc sut i wneud ffilmiau, o ysgrifennu sgript, i action, i olygu.

Tra bod yr Academi Ffilmiau eisoes yn cefnogi tua 180 o aelodau, gwelodd y tîm fod gofyn i helpu unigolion â phroblemau o ymddygiad gwrthgymdeithasol, a gwneud hynny mewn ffordd oedd yn teimlo’n berthnasol i bobl ifanc. Ni fyddai llawer o’r cyfranogwyr yn cael mynediad i gyfleoedd fel hyn trwy’r ysgol neu wasanaethau traddodiadol.

Gyda chyllid gan Gronfa Gymunedol Uchel Siryf Gwent, lansiodd Cymru Creations brosiect oedd yn canolbwyntio ar greu ffilmiau byrion yn ymwneud ag ymddygiad gwrthgymdeithasol, oedd yn cael eu hysgrifennu, eu cynhyrchu a’u perfformio gan bobl ifanc.

Roedd y sesiynau’n rhedeg yn wythnosol, gan gynnig lle diogel, creadigol a chynhwysol. Archwiliodd y cyfranogwyr wahanol safbwyntiau a datblygu sgriptiau yn seiliedig ar senarios bywyd go iawn.

Aeth amcanion y prosiect hwn y tu hwnt i wneud ffilmiau. Roedd y prosiect yn ffordd i bobl ifanc ddatblygu hyder, empathi a sgiliau cyfathrebu yn y byd go iawn – gan atal nhw rhag datblygu ymddygiadau gall niweidio eu dyfodol.

“Mae gan y bobl ifanc ddealltwriaeth well o ymddygiad gwrthgymdeithasol nawr. Maen nhw wedi datblygu empathi ac wedi dysgu sut y gall eu gweithredoedd effeithio ar y gymuned ehangach.”